Aynu Itak

aynu

oya mosir un kur a=konukosne yak wen sekor a=ye kusu pareedo a=ki kusu ne.

“○○ un utar koyki!” “eniwcinne!” “Sisam mosir anakne sisam patek kor pe ne!”

sir-epitta ene i=konukosne itak poronno an hawe ne.

en=sama ta toyko-wen itak payoka.

korka, nea hi ta ka ene wen itak nen ka koyki, nen ka ramu koyki.

taan kotan hunna kor pe?

hawe ruy no ene itak=an ro.

kotan ta an utari opitta kor pe ne!

nen ka somo okewpare yak pirka.

“sisam” some ne yakka taan uske ta uwepirka ka somo ki?

ene an tap anakne iteki an pe ne na.

hetak itak wenpuri a=kopan ro.

“nen ne yakka an=an yak pirka ruwe ne!” sekor Osaka wano hawean=an ro.

nen ka a=eniwcinne ka somo ki no, uturano an noyne kotan a=kar ro.

sir-sak Midosuzi or peka uturano apkaspa=an.

ene inne utar yaynu hi wano taan “pareedo” siknu ruwe ne.

“ukoramuriten=an ro!”